موضوع: قصتي وانا في بطون الماما الأحد يناير 17, 2010 5:16 am
رح احكيلكم قصتي وانا في بطون الماما
في البدايه لما كنت طفله كنت فكر اني من كريات الدم البيضاء ماكنت بعرف اني من البشر الا لما قالت الدكتوره لامي مبروك يا مدام انتي حامل وئتها ماما من الفرحه حطت إيدها على بطنها في المكان اللي انا موجودة فيه عرفت انه انا المقصوده بيني وبينكم ضاق صدري وقلت شو إلي بوجع هالراس اطلع لعالم ثاني و صير انسان وفي حساب وعقاب ودراسة همست لي الاثنى عشر ؟؟؟ قالت احمدي ربك بتطلعي وبيصير عندك ايميل وماسنجر صحيح انه بيجنن بس احسن من بلا قلت لها وبصير مشرفه بمنتدى !! قالت اي
فرحت انا قلت خلص رح بطلع
ولما صار لي خمس شهور كنت حاسه اني تمساح بس قلت يمكن كون سحليه صرت اقطع الشعيرات الدمويه واقول فتاة ؟غلام؟صبي؟صبيه؟
وانا عم فكر سمعت صوت بابا بيحاكي ماما حاولت ركز شو بيحكيلها قربت ادني طلع بابا ب يتغزل بماما ((تم تشفير الكلام مراعاه للادب)) كنت بتصل عليهم لأحكيلهم عيب انا سامعتكم بس لم تسمح لي الفرصه
جلست مص اصبع رجلي لحتى نمت وبعد فتره سمعت صوت قوي يتجه ناحيتي قمت بطولي وضربت راسي ببطن امي آآآه وطلعت امي الله يهديها عم تشرب مي بكميه كبيره من غير العاده بس والله انبسطت صرت العب بالمي برجلي ههههههههه لما إجا الشهر السابع راحت ماما ومعها بابا للدكتوره لحتى تتطمن ماما على صحتها طبعا نامت على السرير وبابا واقف جنبها (ليحسسها بالامان ) ليش هي حامل بوحش الدكتوره حطت جهاز على بطن ماما وصارت تحرك يمين يسار فوق تحت وهنن عم يشوفوني على الشاشه
وساعتها انا قمت اتدلع وحرك رجلي وافتح عيوني وغمضها بنعومه وماما وبابا عم يتبادلون نظرات الحب والرومنسيه ويبتسموا ولما قامت الجهاز وانقطعت الرؤيه .صرت احكي كأنهم عمرهم ماشافو نونو
ماما سالت الدكتوره ايمتا موعد الولاده !! قالت باقي شهرين سمعت الخبر واجاني انهيار عصبي شهرين يامفتريه خلص انا طفشت انكتمت الجو شوب مافيه الامكيف صحراوي حتى ما ابرد قلت مابصبرنا غير النوم ونمت شهرين((نومه اهل الكهف)) صحيت من النوم وحسيت بملل وفراغ قاتل حاولت ارفعه عن نفسي ورحت العب لعبه الحبل باستخدام الحبل السري
وفجــــــــــــــــــــــاه
من كتر ما اتنطوطت تزحلقت وانقلبت وصار راسي تحت ورجلي فوق صارت ماما تصرخ
اخذها بابا على طول لأقرب مستشفى قال الطبيب !! رح تولد لما سمعت الخبر فرحت لاني رح اطلع وبلشت رتب حالي استعدادا للقاء الاول مع صديقي بالحضانه وامي كل شوي بتعلى صرخاتها حطوها على السرير متوجهين لغرفه الولاده وبابا عم يمشي جنبها
ويقول لاتخافي انا هون !!
وامي عم تقول خايفة مووووووووت وانا عم اولد ؟؟ بيرد بابا عليها والدموع تنهمر من عيونه ياريت يومي قبل يومك !!<<متاثره> وأنا عم قول ماوصلنا لغرفة الولادهـ إنكتمنا ياهوه هوّوووووووونا . ,طبعاً نقلوا أمي للسرير الموجود بالغرفه واجا الدكتور ومعه النيرس . ,قال الدكتور لأمي زفيييييييييير أمي فهمتها ع* أدتها شهييييييييييق واذا انا اللي أنشفط وأدخل جوّووا دقيت ماما بكوعي قلتلها عم يقول زفير زفير الظاهر أمي سمعتني وزفرت زفرة ودفعتني أمي بقوه وأنا طلعت سرعتي 180 ميغابايت وطلع كل شي في ؟إلا انفي قلت وليييييي هذا اللي كنت خايف منه! إستدعى الدكتور الطاقم الطبي مشان يطلعون انفي حاولوا المرهـ الأولى والثانيه مانفع وبعد ثالث محاوله طلعوهـ ( الثالثه ثابتهـ )صرت أبكي وقول للدكتور غض البصر وحملتني النيرس على ايدها وتلفني بذاك الأبيض ياسلاااااااام وأخيرا انتهت معاااناتي
الأحد يناير 17, 2010 5:16 am