حلوة مو

في واحد كبير بالعمر كل يوم بروح على البنك ويدخل 5000 دولار بحسابه... الموظفين استغربوا

وفي يوم من الأيام قال لهم المدير إذا اجى نادوه أكيد هو غني ولازم نكسبه زيادة

لما اجى الختيار ودخل البنك دخلوه الموظفين على المدير



قاله المدير أنت وين بتشتغل؟..قال: عاطل مابشتغل



قاله المدير من وينلك كل هالمصاري لكان ؟: قال:أنا بشارط الناس بـ 5000 دولار ودائما بكسب



قاله المدير كذاب احكي الحقيقة ...



قال الختيار: خلاص تشارط بـ 5000 دولار اني بقدر بوس عيني



قال المدير بشارط...



قام الختيار وفك عينه وباسها ورجعها ((عينه تركيب ))



قاله المدير شووووووو !!!!!!!



قال الختيار تشارط بـ 5000 دولار اني بقدرعض أدني



قال المدير أتحدى ....

قام الختيار وطلع سنانه وعض أذنه ورجعها ((طقم اسنان ))



عطاه المدير 10000 دولار وطلع الختيار



وتاني يوم الصبح لما دخل الختيار للبنك نادوه الموظفين ودخلوه على المدير


قاله المدير يا ابن الحلال مشان الله رجعلي مصاريي



قال الختيار: خلص أنا بشارطك على شي إذا أنت فزت بعطيك وإذا أنا فزت بتعطيني 5000 دولار



قال المدير على شو بدك تشارط



قاله الختيار: تتحداني أن لون غيارك الداخلي أزرق



قال المدير وهوفرحان لا مو أزرق



قال الختيار امبلا أزرق



قال المدير لا مو أزرق




قال الختيار خلص شلاح البنطلون لنشوف




شلح المدير بنطلونه وطلع لونه مو ازرق


التفت الختيار على الموظفين وقلهن:هي شلحتلكن المدير , يللا كل واحد 5000 حسب الاتفاق