Base – Foundation – Concealer – Powder أنواعها -طرق إستخدامها[مكياج]

الأكيد بعالم الـ make up ان ما في قواعد محدده تمشون عليها
كل وحده و ابداعاتها و طريقتها اللي تميزها
لكن تبقى طرق افضل من بعض
و techniques بسيطه تعطيك احيانا اللوك المطلوب باعلى درجه من الاتقان


بموضوعي اليوم راح اتكلم عن البشره


Base – Foundation – Concealer – Powder


انواعها – طريقه استخدامها – best brands






قبل أي شي عشان تطلعين باحلى طله
لازم بشرتك تكون نضره و نظيفه

كل ما كانت صافيه كل ما احتجتي make up اقل + تعطيك نتائج احلى
اول خطوه و قبل أي شي نغسل وجهنـا

حتى لو بشرتك جافه و غسلتيه الصباح معليش نغسله مره ثانيه
و نستعمل حبيب الملايين مقشر المشمش من st.ives
يلغي لك اثر أي قشور بالبشره

بعده نبدأ بالمرطب اليومي اللي نفضله و يناسبنا

MOISTURIZER








شخصيا ارتاح لمرطب olay بالتوت البري
يعطي لمسه مخمليه فوريه تساعد كثير بالـ make up

لكن اكيد ما يناسب الكل

عندكم سيتافيل للبشرات الحساسه روعه و طبي 100%
البشرات الدهنيه حلوه كريمات garnier
و للبشرات الجافه في كريم كنه سحر بيعطيك نعومه ما تتخيلين بشرتك بيوم توصلها
Moisturelush من MACغالي حبتين بس يستاهل طلعي قروشك

و طبعا في كريمات clinique تبع الـ 3 steps كل وحده و بشرتها

و أي كريم عندك مرتاحه عليه يؤدي الغرض


و احنا نرطب ما ننسى نرطب منطقه ما حول العين
طبعا بمرطب خاص فيها مو نفس حق الوجه

نفس الشي استخدمي أي شي ترتاحين معه

استعمل مرطب من bobbi brown و صراحه حلو و رايق

All about eyes بطل بعد من clinique

و lancome عندهم مرطب حلو >> نسيت اسمه

و لا روحي اقرب صيدليه و جيبي لك شي يناسبك

المهم ترطبين المنطقه ترطيب وافي و كافي و منتاز

طيب رطبنا و كلو تمام وش نسوي ؟!
نقعد نتأمل جمالنا بالمرايه خمس دقايق لما تتشربه البشره بشكل كامل
لا تتهورون و تبدون بالـ make up قبل ما تشرب البشره المرطب

بهالوقت و احنا ننتظر تعالوا بحكي لكم عن واحد من اسراري






اللي عندها مشكله مسامات ببشرتها ترفع يدها

المعروف ان اصحاب البشره الدهنيه غالبيتهم يواجهون هالمشكله
>> هذا ازين شي بالجفاف
بس لا تضيقون صدركم يا امهات دهنيه ترا امهات الجافه يعجزون قبلكم و تطلع لهم تجاعيد

انا من راعيات البشره الصحراويه القاحله
بس اختي بشرتها دهنيه ..و كنت اكره احط لها make up عشان المسامات
لحد ما اكتشفت هالاختراع البطل



تدرون وش هذا ؟؟
هذا سيليكون بس عصروه و حطوه في علبه
هذا شغلته يسد أي حفره بالوجه و منها المسامات
حطوه بعد المرطب و بعده حطوا الـ foundation
وما راح تبين مساماتك ان شاء الله بالاضافه لانه حلو للصباح لانه واقي من الشمس spf 50





جربوه من عند mac قبل ما تشترونه
و اللي تجربه تعلمني حسيته بطل ان شاء الله يضبط معكم

الحين بشرتنا تشربت المرطب و بنرجع نكمل


BASE

الـ Base وظيفته تهيئه البشره و حمايتها من مستحضرات التجميل
و يعطيها لوك حلو ما يقدر الـ foundation لحاله يحققه
في انواع كثيره من الـ base
ابسطها و اهمها الكريم المرطب نفسه
اذا ما عندك عيوب ببشرتك .. مجرد طبقه كثيفه شوي من المرطب راح تعطيك نتيجه حلوه
و اوفر لقريشاتك >> ما كنها توها تقول طلعي قروشك

اذا حابه تستعملين base ثاني .. تعالي اعلمك وش تختارين




يا حبي للالوان
كل لون يناسب بشره معينه .. و لا تخافين ما راح تبان بشرتك ملونه تمويه تمويه

نبدا من اليسار

الاخضر : للناس الي بشرتهم محمره .. حلو بعد للي مسوين تقشير يخبي شوي
الموف : هذا لراعيات فقر الدم امهات وجيه صفرا مثلي و شرواي
الازرق : هذا للي مقطعهم البياض لدرجه انهم صاروا باهتين كنهم ورقه
الابيض : اذا انتي ودك تبيضين شوي اياني و اياك تشترين foundation فاتح
اشتري base ابيض و بيفتحك ان شاء الله
الأصفر : هذا كثير يحطونه الممثلات و المذيعات لانهم يتعرضون لإضاءه قويه
.. يعني اذا بتتصورين مثلا او بتروحين مكان فيه spotlight كثير استعمليه
الوردي : للبشره البيضاء الباهته يعطيها رونق و حيويه و جمال >> الله من الهياط
الاورنج : حلو للبشره السمراء .. نفس الرونق و الحيويه


تلقونها بـ make up for ever

طيب توهقتي فيهم و انقلب راسك .. و لا بشرتك عاجبتك و ما ودك بالالوان
الحل موجود




Base شفاف من smashbox >> موجود منه بـ make up for ever بعد

خطير للبشره الدهنيه .. و لباقي البشرات يمشي بعد و يعطي احساس مخملي >> ياهالمخملي الي نسمع به و لا نشوفه




اختاري اللي يعجبك .. و انقزي معي نشوف الـ

foundation





كثير يجربون انواع مختلفه من الـ foundation ,, ماركات مختلفه
و مع ذلك يناظرون المرايه و يكتئبون

اذا انتي من هالنوع .. الغالب ان الخطأ عندك هو في اختيار الدرجه المناسبه للـ foundation
كم وحده فينا تشتري درجه بشرتها بالضبط؟ للأمانه
مو كثير .. اللي تبي تسمر شوي و اللي تبي تبيض
عادي يا مال العافيه .. كلنا نبي

و ممكن نختار الدرجه اللي تعجبنا .. لكن بشي غير الـ foundation

خذي إما لون بشرتك .. او أفتح بدرجه وحده بس ..
اذا حابه لوك برونز ممكن تاخذين اغمق بدرجتين مو اكثر ابدا .. و لو انه
بنفس درجه بشرتك تقدرين تسوين لوك برونز باستخدام الـ base و الـ powder



كيف تختارين foundation يناسبك؟؟




اولا حددي بشرتك و اللي يناسبها .. اذا دهنيه .. خذي نوع oil free اذا
جافه خذي fluid و اذا عاديه او مختلطه في انواع تجمع بين الاثنين



ثانيـا حددي استخدامك له راح يكون وين ؟



يوميا ؟؟ للسهرات و المناسبات ؟؟



ايش نوع التغطيه الي تبينها ؟ خفيفه و طبيعيه ؟ ثقيله و خافيه للعيوب ؟ تحبين اللوك الـ matte او تحبين بشرتك تتلامع ؟



كلها اسئله تساعدك في اختيار النوع المناسب لك و راح تلقين خيارات كثير
متوفره قدامك بكل ماركه تناسب ذوقك و تلبي رغباتك سيدتي الجميله



نجي لاختيار الماركه .. بقول اللي حسيته من تجربتي و بالنهايه تظل اذواق .. و اللي ارتاح عليه ممكن ما يعجب غيري


عشان كذا جزاكم الله خير جربوا قبل ما تشترون ..

Best Brands :



مش عايزه غيرك انت ،، و الله بحبك انت

يعجبني ان تغطيته حلوه + منظره طبيعي جدا .. ينفع لليومي و للسهرات
المهم انه يخقق و بس






اعتبره number#2

حلو للسهرات .. كنت استعمله قبل ديور و كان ماشي تمام .. لكنه اثقل نوعا ما




Givenchy

سمعته حلوه .. ولد حمايل .. تغطيته رايقه .. حطوه من ضمن اللي راح تجربونهم ان شاء الله تراه محبوب عند ناس كثير
اسمه photo perfixion






Lancome
يمكن مو بمستوى اللي قبل .. بس بعد يستحق التجربه و في ناس ما تسمع فيه ..
لكن الحلو عندهم foundation بالكولاجين .. حلو لعمر فوق ال 35 يشد البشره




حطيته
بآخر الليست لاني ما احبه .. ثقيل و احسه ناشف . لكن للأمانه اللي ببشرتهم
عيوب كثير يمكن يكون احسن شي لان تغطيته قويه .. ما ينفع لليومي نهائيا



للتوضيح : لما اقول يومي .. ابدا ما اقصد الدوام و الجامعه و شموس القايله ..



اقصد مثلا روحه مطعم مع صديقاتك .. جمعه بسيطه .. بيت جدتك ما يخالف



غير كذا ماله داعي نستعمل foundation بالذات للدوام .. تكفي البشره النظيفه الحلوه مع مرطب و واقي شمس .. البساطه حلوه يا بنات



لكن اللي معزمه مره تحط شي .. لا تستعملين الانواع اللي فوق .. خذي dream matte mousse من maybelline






خفيف.. طبيعي جدا .. سهل و سريع


راح تحبينه




ان شاء الله كل وحده اختارت اللي يعجبها .. لان بنبدا نشتغل


Applying Foundation

احيانا نختار نوع ممتاز .. و درجه مناسبه .. و مع كذا ما يضبط معنا
معناها المشكله في طريقه الاستخدام ..
من يوم عرفت نفسي و امي تقعد عند المرايه و تكب شوي من القاروره على يدها
بعدين تحط نقط على وجهها و بعدين تفركه على وجهها
و كبرت و صرت اسوي مثلها .. و الاحظ اني بعد عشر دقايق كني ما حطيت شي
و اقعد اكبكب اكبكب لين تقضى القاروره .. ما صارت حاله الوحده تكفي شهر و يآالله
بعدين جتني اختي الذهينه و قالت لا تصيرين قرويه فشلتينا
و طلعت لي اسفنجه .. و قالت ابد هذي اللي بتزين خشتك
و اقعد ألطلط بهالاسفنجه .. و نفس الشي اكبكب اكبكب .. و عجز يضبط يا هو غثيث بعد

و بعد سنين و سنين من المطرسه .. اكتشفت احسن طريقه



Foundation Brushes




اعتبرها من اهم الفرش .. اهم من فرش الشدو حتى


اللي ما قد جربتها للـ foundation .. ما قد حست بالمتعه >> يقطع ام تعريفك للمتعه بعد



وش فرق الفرش عن اصابعنا و الاسفنجه؟



خلق و فرق >> يمديكم على اللي تسال و تجاوب نفسها


الاصبع فيه حراره جسمنا مع الدعك بيحفز الـ foundation يذوب و تمتصه البشره .. عشان كذا تحسين بعد عشر دقايق انك ما حطيتي شي


بشرتك شربت ابوه عليها بالعافيه


اما الاسفنجه .. العكس تماما .. هي اللي تشربه و تمتص المويه الي فيه ..
تضطرين اولا انك تكثرين منه لان نصه راح فيها .. بالنهايه راح تحسين نفسك
حطيتي كثير بدون ما تحسين


و الشي الثاني راح تلاحظين بشرتك شوي باهته و جافه .. لان الاسفنجه شربت المويه


الفرش توزيع صح و كميه قليله جدا بتستغربين انها كفتك ..



اول فرشاه بنحتاجها هذي









رقمها 190


اوكي غاليه شوي .. لكن تقعد لك و للزمن .. استثمار مثل ما يقولون



ناخذ شوي من الـ foundation .. شفتوا حبه البن ؟؟ قدها او اكثر شوي .. بيكفي ان شاء الله


نحطه على أي شي بلاستيك .. >> استعمل غطا قديم لعلبه اعواد القطن


و ناخذ منه كميه قليله بالفرشاه .. و نبدا نوزع






شفتوا الاسهم على خشة هالحلوهـ >> ايه بالحيل


المهم نوزع بشكل طولي باتجاه الاسهم ما عدا من عند الجبهه نبدا من النص
للجوانب .. و ما ننسى منطقه تحت العين >> لاحظوا للحين ما حطينا
concealer نوزع على الرقبه بعد بشكل طولي



نلاحظ الـ foundation بيكون مبين على شكل خطوط طوليه .. و هذا المطلوب


وقتها بننتقل للفرشاه الثانيه






هذي اكوس فرشاه بالدونيا


تدمج لك الـ foundation بطريقه خاقوقيه مع بشرتك


تدمج لك بين الـ foundation و الـ concealer ما يبين بينهم فرق


حلوه للـ powder


تخفف لك الـ blusher اذا حسيتي نفسك كثرتي


بتاع كلو



ناخذها و نستعملها بحركات دائريه خفيفه على الوجه


لا تتحمسون بالتفريك جزاكم الله خير لا نخرب شغل الفرشاه الاولى


لحظات و بتحسون بشرتكم صارت روعه و متوزع الـ foundation صح



هالفرشاه بعد من mac رقمها 187 و منها صغيره 188 كلهم نفس الشي


اختاروا اللي تحبون

بس قبل تعالوا بقولكم سر ثاني

concealer



تعالوا طلوا






معروف هذا الـ concealer
من make up for ever

باليت فيه الوان شمعيه .. حلو و يفك ازمات خاصه انك تقدرين تغطين فيه عده عيوب
و كلها حسب نظام دائره الالوان >> تذكروا معلماتكم الفنيه انبحت حلوقهن و هم يشرحون لكم دائره الالوان و انتم ساحبات عليهم

الاخضر : حلو تغطين فيه الحبوب .. جروح .. أي شي احمر
الموف : أي مناطق صفرا وباهته >> ما لقيت الباليت اللي فيه موف بس تلقونه بالمحل
الاورنج : للهالات

بعد ما تستخدمين أي لون منهم .. استعملي فوقه البيج الغامق .. و فوقهم البيج الفاتح .. لحد ما يصير لونه قريب من بشرتك
اذا حسيتيه مو مندمج كثير .. لمسات بسيطه من فرشاه 187 تدمج لك ابوه و تخفي اثره

انا شخصيا كنت استعمله لفتره طويله .. لكن اكتشفت اللي احلى منه







هذا corrector من bobbi brown >> ابداع هالماركه
شفتوا وش لونه .. اورنج

تستعملينه على هالاتك .. يخفي لك اثرها و ان كانها بنت ابوها خل توطوط مرتن ثانيه
اذا حطيتيه ما راح تشوفين هالاتك .. بس بتشوفين شي اورنج .. ما راح نخليه طبعا و بنستعمل فوقه هذا






بعد من bobbi brownمقسوم لقسمين .. الي فوق concealer كريمي .. و اللي تحت بودره سائبه مالها لون
ممكن تستعملون هذا concealer لحاله بدون الـ corrector تراه مره حلو
بس اذا انتي من راعيات هالات رمادي اشتري الاثنين الله يعافيك

لما اكون مستعمله corrector .. يكون الـ concealer وظيفته فقط تغطيه لون الـ corrector
الاورنج .. لان الهالات اصلا بتكون اختفت

بعدها بفرشاه blusher صغيره .. احط شوي من البودره السائبه .. عشان ما
يبين اني ملطلطه كريم تحت عيوني .. من جد روعه انصحكم فيهم بقوه


TipS fOr A PerFeCT CoNCeaLeR:

- ابدا لا تحطين الـ concealer بعد الكريم المرطب مباشره .. لازم تمتص البشره الكريم الرطب تمااما و لا بيحوس عليك الدنيا
- دائما استخدمي فرشاه الـ concealer .. ممكن تكون من أي ماركه .. لكن ابتعدي عن اصابعك
- الاغلبيه يستعملون الـ concealer قبل الـ foundation .. طيب قد جربتي
العكس؟ تراه احلى بكثييير و افضل .. و بعد ما تحطينه ادمجيه بفرشاه 187 و
شوفي الفرق
- الـ concealer يفضل يكون اغمق من الـ foundation بشوي
- لا تكثرين منه ابدا ,, كل ما كثرتي كل ما بانت المشكله الي تبين تخبينها
- ضروري استعمال نوع أي powder بعد الـ concealer .. و لا ترى بعد فتره بتطلع لك خطوط من الكريم تحت عيونك
- لا تنسين تحطين شوي من الـ concealer تحت شفتك السفلى .. بيعطي الروج لوك خياال و يبرزها


ما تلاحظون احيانا تطلع لكم خطوط تحت عيونكم مع الـ concealer؟؟



و يضيق صدرك و تقعدين تناظرين التقويم يا ربي كم صار عمري عشان اتجعد من الحين



و تحطين فوقها كريمات و لا ما تحطين كله واحد



لا يضيق صدرتك يا وخيتي تراها ميب تجاعيد لا تستسلمين للواقع كافحي



هذي انتفاخات .. بعض الناس تكون كبيره وواضحه عندهم .. و بعضهم تكون قليله و تطلع على هيئه هالتجاعيد



اسبابها كثير .. السهر قل النوم .. كثر الصياح .. قله شرب المويه . كثره
شرب البيبسي >> امي تقوله بس ما فيه دليل طبي ترا اشربوا ما عليكم



طبعا اذا قمتي و عندك عزيمه و لقيتي جفونك كنها بيض من كبرها .. خذي لك ملعقتين و على اقرب فريزر بعدين حطيها على جفونك شوي



و ناس يمدحون البطاطس




طيب فرضا قمتي و لا عندك وقت لهالخنبقه.. وش الحل ؟ >> اخلصي عليهم يرحم امك







Fast response eye cream


من mac


حطيه بديل عن الكريم المرطب للعين قبل الـ make up و بظرف دقيقه بتلقين عيونك فشوا و راحت الانتفاخات و التجاعيد و صارت مشدوده
تقل سحر قسم بالله


يفك ازماااات جربوه و ادعوا لي






PoWdER



احبهـااا .. تعطيك الـ final touch مثل ما يقولون



و الناس مطلعين عنها اشاعه انها تخلي الوجه باهت



اشاعه مغرضه و الله



اختاري نوع صح و شوفي كيف تخليك






انواعها:


Pressed powder أو compact












افضل نوع لها اللي يكون تبع الـ foundation .. لما تقررين أي foundation بتاخذين .. خذي معه الـ compact powder حقته
عندي حقت dior و ماشيه تمام ..


هالنوع مناسب لكل البشرات .. اللي بشراتهم جافه تاخذ هالنوع هو اكثر شي بيناسبها


Loose powder








اللي هي السائبه .. حلوه لان تاثيرها اقوى من الـ compact .. تقلب لك أي foundation و تخليه مناسب لسهره
لكن اذا بشرتك جافه و استعملتيها .. راح تطلعين باهته ..
بس اللي بشراتهم دهنيه تطلع عليهم روعه .. بس لا تكثرون منها


احب استعملها تحت عيني بكميات كبيره و انا احط make up العين عشان ما يتبهذل الـ foundation
و اذا خلصت مسحتها ..



Best brands :


Make up for ever
Guirlan





Glow powder:




ممكن تكون loose او compact .. تستعمل للسهرات تعطيك لمسه اضاءه




افضل انواعها اللي تجي ملونه كم لون سوا .. خفيفه و ما راح تعطيك لوك اوفر لا تخافين



احبها تكون compact و كل وحده تشوف وش يلبق مع خشتها





Best products :





Dior Skin Shimmer Powder



من Christian Diorاضاءه رومانسيه >>



منها درجات الوردي و البيجيات .. و منها غامقه اذا حابه make up برونز



.. اصنفها من الـ must – haves







من Givenchyحلوه و بطله .. بس حسيت dior احلى





للي يفضلونها loose لا تتعدين daimond powder



من make up for ever









صغيره بس تقعد لك فتره طويله .. لان اقل القليل يكفي منها



استعملها بس استعمال ثاني اقولكم عليه بعد شوي




Tip
: دائما استخدمي فرشاه الـ blusher مع الـ powder بكل انواعها .. لا تستخدمين اسفنجه




وش رايكم تتحملون شوي بعد عشان اعطيكم سر اخير ؟؟


الحين اذا ودك تبينين نحيفه وش تلبسين؟؟
اسود او الوان غامقه صح و لا لا
الـ make up نفس الشي
كل وحده مننا لازم تعرف نقاط الجمال في وجهها
و تعرف الاشياء اللي ما تبيها تبرز كثير و تبي تبعد عنها النظر




هذي الخطوه ابدا مو ضروريه



لكن اذا تبين الـ foundation حقك يطلع شغل خاقوقي



تدربي عليها




جيبي لك أي foundation من أي ماركه .. مو ضروري غالي



ريفلون و بودي شوب يمشون



بس اختاري درجه غاامقه .. يعني بني فاتح مثلا




المهم انها اغمق من بشرتك بمراحل



لما تحطين الـ foundation و الـ concealer و تنتهين منهم .. و قبل الـ powder
خذي كميه قلييييله جدا من الـ foundation الغامق
و ابدي طالعي وش الاشياء اللي تبين تخفينها بوجهك ..
وجهك عريض؟ حطيه على منابت الشعر ..
تحسين خشمك كبير شوي ،، حطيه على جوانب الخشم بالطول
خشمك طويل؟ حطيه على مقدمه الانف
دقنك بارز لقدام ؟ طبطبي شوي عليه

طريقه الاستخدام انك تحطين نقاط قليييله على هالمناطق
بعدين باستخدام فرشاه 187 تدمجينها في مكانها .. لا تنشرينها في كل مكان
دمج خفيف و انتي اصلا بتحطين كميه قليله ..




بعدها روحي للخطوه الثانيه



خبينا العيوب .. طيب نبي نبرز المزايا




جيبي daimond powder اللي قلت عليها قبل شوي



خذي درجه اسمها pearl



افتح من هذي بتصير مايله للبياض شوي




و ابدي بنفس الطريقه فتحي الاماكن الحلوه عندك



اذا وجهك نحيف حطيه على عظمه الفك و عظمه الوجنتين



دقنك صغير حطيه عليه



ابرزي عظمه الحاجب اذا تحسين عينك بارزه



و انتي و شطارتك




بعدين بنفس الفرشاه ادمجيهم بنفس الطريقه ..




شوفي نفسك الحين .. it does make a diffrence



هالخطوه يبيلها تدريب شوي بس نتايجها روعه


إن شآء الله أستفدتو







وانشاء الله يثبت



شكرا لتحمل بربرتي


طولت عليكم صح




تحياااااااااااااااااااااا ااااااااااااااتي


ميسسسسسسسسسسو